Претседателот на Европскиот совет, Шарл Мишел, по средбата со претседателот на Србија, Александар Вучиќ, најави дека иднината на Србија и на Западен Балкан е во Европската Унија.
„Планот за раст носи реална можност за силно економско приближување на Србија и регионот со Европската унија. Треба да го искористиме потенцијалот за постепена интеграција за да донесеме практични придобивки за луѓето“, напиша Мишел на својот профил на мрежата X во средата.
По средбата, Вучиќ објави дека со Мишел разговарал за европскиот пат на Србија, за ситуацијата на Косово и Метохија и во регионот и за глобалните прашања.