Зоран Милановиќ повторно е избран за претседател на хрватската Социјалдемократска партија и веднаш по изборот порача дека се „лажат оние кои мислат дека жестоката внатрепартиска кампања и наштетила на партијата“.
– Беше фер, жесток натпревар, меѓутоа кој и да мисли дека ова и наштети на СДП, многу се лаже, порача синоќа Милановиќ пред новинарите и членовите на СДП, кои во централата на партијата во Загреб го пречекаа со воодушевување.
Тој е уверен дека изборите за партиски претседател на СДП покажале дека таа е модерна, прогресивна и отпорна европска партија, која застапува универзални, но и традиционални вредности, пренесува Хина.
Заедно со Милановиќ пред новинарите излезе и неговиот противкандидат Златко Комадина, кој му ја честиташе победата, истакнувајќи дека во кампањата биле двајца кандидати, но само едена СДП.