Германскиот канцелар Ангела Меркел изјави денеска дека првата конференција за членство на Србија во ЕУ може да биде одржана во јануари, по потврда во декември за напредокот во спроведувањето на процесот за имплементација на Бриселскиот договор.
На седница на Бундестагот таа оцени дека без сомнение Србија и Косово во изминатите месеци постигнале напредок во нормализација на односите, јави Танјуг.
– Но, без сомнение договорите мора да бидат спроведени. Процесот на нормализација мора да продолжи и пред пристап на Србија во ЕУ мора да има целосна нормализација на односите со Косово, изјави Меркел.