Турското воено присуство во Ирак е насочено кон стабилност во време, вокое државата е длабоко поделена. Турција нема намера да биде окупациска сила, изјави денеска турскиот вицепремиер Нуман Куртумлуш.
– Турските сили во Башика во севрен Ирак се по барање на претседателот на Ирачки Курдистан Масуд Барзани за да обучуваат локални сили, додаде Куртумлуш.
Според него, Турција нема да дозволи тоа да се претвори во тема за дебата.
Турција денеска го повика на разговор ирачкиот амбасадор, а Ирак го повика турскиот амбасадор поради тензии меѓу двете страни. Ирачкиот премиер Хајдер ал Абади изјави дека Туција ризикува да предизвика „регионална војна“ со присуството на ирачка територија.