Четврта делегација, составена од пратеници Курди, денеска го посети лидерот на Курдската работничка партија (ПКК) Абдула Оџалан во затворот на островот Имрал во Мраморно Море.
Посетата е во рамките на мировните преговори што ги води турската Влада со Оџелан.
Делагација е составена од претседателот и заменик-претседатлот на прокурдската Партија за мир и демократија – Селхатин Демирташ и Первин Булдан, како и пратеникот Сара Сјуреја Јондер.
Кон крајот на минатата година Анкара објави дека води преговори со Оџелан, кои имаат за цел да ја убедат ПКК да го положи оружјето. Минатиоот месец лидерот на ПКК апелираше за прекин на огнот и повлекување на курдските борци од Турција.