Колинда Грабар Китаровиќ освои 50,40 проценти од гласовите на претседателските избори во Хрватска, и неофицијално таа е новиот претседател. Нејзиниот противник, Иво Јосиповиќ освои 49,60 проценти од гласовите.
Во родниот град на Китаровиќ, Дражице, веќе наголемо се слави победата, како и во ХДЗ чиј кандидат беше таа на изборите.
Премиерот на Хрвтаска Зоран Милановиќ пристигна во изборниот штаб на Иво Јосиповиќ, но не сакаше да се изјасни за победникот на изборите. Тој кратко искоментира дека победата е тесна.
-Ова беше секташка кампања, кога кандидатката се претстави како војник на својата партија. Тој рече дека се враќа криминалното друштво на власт.
-Ние сме држава, тие се ајдуци, рече Милановиќ.
Кандидатот на владеачката партија, Иво Јосиповиќ го призна поразот
-Готово е. Госпоѓата победи, рече тој.