Марк Брновиќ, кој беше предложен од американскиот претседател Доналд Трамп за амбасадор на САД во Србија, е американски адвокат и политичар.
Брновиќ служеше како 26-ти јавен обвинител на Аризона од 2015 до 2023 година. Тој е член на Републиканската партија и беше неуспешен кандидат за номинација на изборите за Сенатот на САД во 2022 година во Аризона. Неговата сопруга Сузан Брновиќ е судија во Федералниот окружен суд за округот Аризона.
Брновиќ е роден во Детроит, Мичиген, во 1966 година. Неговите родители биле Срби доселени од поранешна Југославија, татко му од Црна Гора и мајка му од Сплит (Хрватска). Тој изјавил дека неговата мајка емигрирала во САД за да избега од комунизмот.
Брновиќ и неговото семејство се преселиле во Аризона кога тој бил млад. Тие се членови на локалната српска православна парохија во Феникс. Од 2005 до 2007 година, Брновиќ беше лобист на “Corrections Corporation of America”. Тој беше назначен за директор на Одделот за игри во Аризона во 2009 година и ја имаше оваа функција до 2013 година. Брновиќ поднесе оставка како директор на Одделот за игри на среќа во 2013 година за да се кандидира за јавен обвинител на Аризона на изборите во 2014 година. Како државен обвинител, Брновиќ презеде напори во областа на заштитата на потрошувачите, вклучително и борбата против наркотиците.
I am pleased to announce that Mark Brnovich will be our next United States Ambassador to Serbia. Mark is a proud Veteran of the Army National Guard, and previously served as Attorney General for the Great State of Arizona. As the son of refugees who fled communism, Mark will be a…
— Donald J. Trump Posts From His Truth Social (@TrumpDailyPosts) March 28, 2025
Тој се залага за враќање на смртната казна во Аризона.
„Оние кои ќе извршат најтешки злосторства заслужуваат најстрога казна“, рече тој еднаш.
Набргу по преземањето на функцијата како државен обвинител во Аризона, Брновиќ ја тужеше администрацијата на Барак Обама поради нејзиниот план за намалување на емисиите на јаглерод, познат како „План за чиста енергија“, кој имаше за цел да ги намали климатските промени.
Брновиќ го истражуваше Google за наводно следење на корисничките податоци, дури и откако корисникот ја исклучил функцијата за следење локација. Тој исто така поднесе тужба против администрацијата на Џозеф Бајден откако администрацијата ја запре изградбата на ѕидот на границата меѓу Мексико и САД. Брновиќ тврдеше дека граничниот ѕид е потребен поради негативното влијание што мигрантите можат да го имаат врз животната средина. Тој е против истополовите бракови.