Сегашната ситуација потсетува на танцот на Курти и Вучиќ, едниот вели дека ќе направи нешто, а другиот прави и на крајот и двајцата се повлекуваат. Никој не сака да се гледа како оној кој прв попуштил, тоа е првата асоцијација за моменталната фаза на дијалог меѓу Србија и Косово , вели Мајкл Кирби, пензиониран дипломат и поранешен амбасадор во Белград.
За „Гласот на Америка“, меѓу другото, тој го анализираше ефектот на западните дипломати во Приштина и во Белград врз интензивирањето на дијалогот меѓу Србија и Косово. Епилогот на тие разговори на крајот треба да биде договор за нормализација на односите меѓу партиите предводени од Албин Курти и Александар Вучиќ.
– Мислам дека и двајцата сакаат да остават впечаток дека неволно се принудени да се согласат на несовршен план. И така треба, затоа што ако беше совршен за едната страна, другата ќе беше крајно незадоволна. Така што најдобро е двете страни да бидат умерено незадоволни – смета Кирби.