Бројот на загинати во најголемата рударска несреќа во Турција е зголемен денеска на 299, а нов пожар загрозува спасувачки напори, изјави министерот за енергетика Танер Јилдиз.
Според него, 485 рудари се спасени од вторникот кога изби пожар во рудникот Сома. Новиот пожар избил денеска во истиот рудник, но на друга локација, 25 метри од местото на несреќата каде се затрупани рудари.
Вчера во Сома се собраа околу 10.000 демонстранти извикувајќи слогани против владата. Се уште не се знае причината за пожарот во рудникот Сома.