Израел за нападот врз израелската Амбасада во Атина ја обвини палестинската управа и пропалестинските организации ширум светот поради постојаното подбуцнување против еврејската држава.
– Меѓународната заедница мора да го осуди тоа постојано подбуцнување, кое доведува до вакви резултати, изјави портпаролот на Министерството за надворешни работи Имануел Нахшон.
Тој изрази благодарност до грчките власти за блиската соработка во истрагата на инцидентот, изразувајќи надеж дека напаѓачите брзо ќе бидат фатени.
Израелските медиуми јавуваат дека четворица напаѓачи на два мотоцикли истрелале куршуми кон зградата на Амбасадата во северното предградие на Атина и оти четириесетина метри оттаму досега се пронајдени 54 чаури.