Македонското друштво во Албанија „Илинден“ со седиште во Тирана му ја честиташе фукцијата премиер на Албанија на Еди Рама, лидер на социјалистите и поранешен градоначалник на Тирана.
– Граѓаните на Република Албанија одлучија да ви ја дадат довербата да ја водите државата во следните четири години. Ви посакуваме успешнен мандат и реализирање на изборната програма. Во исто време, веруваме дека новата Влада на чие чело сте вие ќе работи на подобрувањето на правата на македонското малцинство во Република Албанија, стои во честитката упатена до новиот албански премиер.
Рама, по победата на јунските парламентарни избори, гостувајќи во емисија на тиранската телевизија Топ-чанел, рече дека победничката коалиција ќе посвети поголемо внимание на правата на малцинствата.