Хрватската полиција денеска соопшти дека вчера во Загреб уапсила пет лица осомничени дека се дел од криминална група што се занимавала со шверц на дрога од Албанија и Косово.
Полицијата се сомнева дека уапсените, кои се хрватски државјани, се дел од истата група на која и припаѓале и две лица претходно уапсени во Загреб и во Љубљана.
Полицијата утврдила дека шверцерската група, со која раководел 39-годишен хрватски државјанин по потекло од Косово, од минатото лето започнала со илегален транспорт на дрога од Албанија и Косово во Хравтска и западноевропските земји.
При вчерашната полициска акција е запленето одредено количество хероин, чија вредност на илегалниот нарко-пазар би изнесувала околу 132.000 евра.