Хрватска сака да купи 12 борбени авиони

Од:

Главниот аналитичар и специјален советник на хрватскиот премиер Роберт Копал изјави денеска дека крајната цел на хрватската Влада е да потпише договор за купување 12 борбени авиони од четвртата генерација до крајот на следната година, додавајќи дека се разгледуваат и половни авиони.

-Нашата цел е да имаме договор потпишан до крајот на следната година и да знаеме до средината на идната година за кои авиони станува збор. Според тактичко-техничката студија, на Хрватска и се потребни 12 авиони, а процесот на набавка и официјално ќе започне со испраќање понуди до земји чии авиони ги исполнуваат техничките услови на Хрватска, рече Копал.

Тој истакна дека еден од многуте параметри при изборот на авиони ќе биде датумот на нивно доставување.

Во почетокот на јануари, Израел го извести Министерството за одбрана дека не може да добие одобрение од САД за испорака на авионите Ф-16 Барак на Хрватска, официјално потврдувајќи дека купопродажбата на тие авиони не успеала.

Според локални медиуми, хрватското Министерство за одбрана е заинтересирано во новиот круг за F-16 C/D Block 50/52, шведскиот ЈАЅ-39 Gripen и францускиот Мираж 2000.

Би можело да ве интересира

Радман најави укинување на американските визи за Хрватите

Драган Поповски

Во Хрватска покрената истрага против четворица Хрвати и една Македонка за криумчарење на странци

А1он

Пусиќ: Идејата Хрватска да ја блокира Србија на европскиот пат е самоубиствена

Ана Ололовска

ВИДЕО: Исчезна познат српски водител во Загреб

А1он

„Ер Италија“ заминува во историјата

Драган Поповски

Хрватска е пред одлука НАТО да и го чува воздушниот простор

Ана Ололовска