Хрватска нема да ја користи руската вакцина без дозвола од ЕУ

Од:

Хрватскиот премиер разјасни дека неговата земја нема да ја користи руската вакцина Спутник В сè додека нема зелено светло од европската агенција за лекови, ЕМА.

Андреј Пленковиќ ова го изјави во интервју за француската телевизија, Франс 24, за време на неговата посета на Брисел.

-Рековме дека ќе ги започнеме разговорите со руската страна, но би ја користеле само откако биде одобрена од страна на ЕМА, рече Пленковиќ.

Запрашан што мисли за фактот дека Србија побрзо го вакцинира своето население од Хрватска, Пленковиќ рече дека Белград нема исти законски обврски бидејќи не е членка на ЕУ.

-Напредуваме но чекаме ветените дози да пристигнат во Хрватска за да можеме да ја обезбедиме туристичката сезона, секако дека следиме сè што се случува во соседството, и во Унгарија, во Босна и Херцеговина исто така, Србија нема никаква обврска да следи што се случува во ЕУ, тие одлучија да веруваат во Кина и Русија за вакцините, но тие имаат различен правен режим и различна одговорност, нашиот пристап е внимателност, но сакаме да го забрзаме процесот, изјави хрватскиот премиер.

Би можело да ве интересира

(ВИДЕО) Големи поплави во дел од ЕУ, се евакуира населението, се зголемува бројот на загинати

Горан Наумовски

Пленковиќ: Целта на резолуцијата за Јасеновац е да се нарушат односите меѓу Хрватска и Црна Гора

Украина доби 1,9 милијарди евра од ЕУ

Балтичките земји ја повикаа ЕУ да изгради одбранбена линија со Русија и Белорусија

Горан Наумовски

Украина и Молдавија официјално ги отворија пристапните преговори со ЕУ

Горан Наумовски

Писонеро: Македонија мора да го искористи моментумот кој постои за проширувањето со цел да продолжи решително на нејзиниот ЕУ пат