Кипарскиот претседател Димитрис Христофиас за време на посетата на Атина изјави дека се повлекува од функцијата огорчен и оти неговата земја е под притисок.
Тој изрази огорченост поради начинот на кој се однесуваат кон Кипар откако земјата побара финансиска помош. Христофиас упати критика кон Европската унија поради нејзиното барање Кипар да имплементира закони против перење на пари, што е еден од условите за потпишување на договорот со меѓународните кредитори.
Христофиас е во последната посета на Атина во својство на претседател, бидејќи на 17 февруари во Кипар ќе се одржат претседателски избори.
Тој се сретна со грчкиот претседател Каролос Папуљас и со премиерот Андонис Самарас.