Харадинај до Столтенберг: Војската на Косово ќе се формира

Од:

Косовскиот премиер Рамуш Харадинај соопшти дека денеска во телефонски разговор со генералниот секретар на НАТО Јенс Столтенберг, му порачал дека без оглед на дилемите кои постојат во Алијансата околу трансформацијата на Безбедносните сили (ФСК) во војска на Косово, законите кои ќе го овозможат тоа идната недела ќе се најдат на дневен ред на косовското Собрание.

Харадинај во неговата објава на Фејсбук, без да пренесе што му било порачано од другата страна, тврди дека на Столтенберг му рекол оти „одлуката на Косово е суверена и во рамките на Уставот“ и за истата ќе се гласа на 14 декември.

– Изразувајќи разбирање за неговите ставови од мултилатерална перспектива за процесот на транзицијата, го информирав генералниот секретар Столтенберг дека Косово е посветено на процесот на транзиција на ФСК, што ќе обезбеди создавање на една професионална, мултиетничка и кредибилна војска во служба на сите граѓани на Косово, напиша косовскиот премиер.

Според Харадинај, идната војска на Косово „ќе придонесе за мирот и стабилноста во регионот и пошироко“.

Столтенберг денеска, по повод започнатиот процес за формирање војска на Косово, им телефонираше на Харадинај и на српскиот претседател Александар Вучиќ.

Според објавата на официјалната страница на НАТО, Столтенберг на Харадинај му го повторил ставот дека „намерата на Косово да ги трансформира своите безбедносни сили во војска доаѓа во погрешно време и е против препораките на голем број членки на НАТО“, како и дека „тоа може да има сериозни последици по евроатлантските интеграции на Приштина“.

Би можело да ве интересира

НАТО за ситуацијата во Босна и Херцеговина: Ова не е 1992 година

NBC: Трамп може да ги брани само членките на НАТО само ако трошат повеќе за одбраната

Мелони: Праведен мир во Украина е можен само ако НАТО им даде гаранција за безбедност

Третина од Украинците би се откажале од НАТО, петтина би се откажале од ЕУ

Лосон: Со Македонија сме партнери во НАТО и работиме заедно на стратешки цели

Горан Наумовски

ВЛЕН: Македонија и Косово постигнуваат одлично соседско партнерство откако ние сме на власт

Горан Наумовски