Новоизбраната претседателка на Хрватска, Колинда Грабар Китаровиќ ги отфрли денеска коментарите дека нејзината реторика е националистичка.
Таа ги отфрли пишувањата на „Њујорк тајмс“ дека со повикот на единство ја обновила националистичката реторика од ’90-те години на минатиот век, како и изјавата на шефот на дипломатијата Весна Пусиќ дека како претседателка ќе мора да ја промени националистичката реторика во граѓанска.
Грабар Китаровиќ истакна дека со написот во „Њујорк тајмс“ темата е промашена и оти таа мислела на заедништво на сите граѓани, бидејќи земјата е длабоко поделена.
– Премногу расправаме за идеолошки, а премалку за егзистенцијални прашања. Земјата се наоѓа на работ на банкрот и ние мораме да ја извлечеме од кризата, а тоа го можеме единствено заедно, порача Грабар Китаровиќ во интрвју за сите три хрватски национални телевизии.