Голем пожар избувна кај Скрадин, јавува Index.hr. Како што соопштија од Хрватската противпожарна бригада, во 8.46 часот во ЖВОЦ Шибеник е пријавена пожар на отворен простор во месноста Скрадин, во населбата Иќево. Од пожарот беше зафатена трева, ниска вегетација и борова шума.
Пожарот сериозно му се заканува на Братишковац и ги загрозува куќите и имотот.
Во акцијата за гаснење на пожарот кај Скрадин полесно е повреден еден пожарникар, едно противпожарно возило се превртело, но екипажот се спасил без повреди.
Два одвоени пожари избувнаа денеска околу 14 часот во атарот на селото Смоковиќ во Равнокотар, кај Задар, кои набрзо се споија во еден. Пожарот е лоциран во реонот кај аеродромот Земуник.
За пожарот кај Скрадин за Нова ТВ зборуваше Волимир Милошевиќ, командант на ЈВП Шибеник.
„Ситуацијата не е добра. Откако ја добивме првата пријава утринава во девет часот, постојано се ангажирани пожарникари. Ги има доста голем број“, рече тој.
„Приоритет се луѓето и станбените згради. Уништено е многу земјоделско земјиште. Тоа е голема површина, пожар што се шири на повеќе правци, па во зависност од ветрот, распоредуваме противпожарни сили и спречуваме понатамошно ширење“, рече Милошевиќ.
Пожарот се проширил на подрачјето на касарната во Земуник, но ситуацијата е под контрола, соопшти хрватското Министерство за одбрана (МО).
Гаснењето е започнато веднаш, ангажирани се противпожарни авиони, персоналот е во подготвеност и ситуацијата е под контрола, објави Министерството за одбрана на Твитер.