Изгоре дел од куќа во пожар во Кавадарци. Како што потврдија попладнево од Територијалната противпожарна единица, веднаш по појавата за пожарот, на лице место интервенирале седум пожарникари со две противпожарни возила.
– Пожарот е ставен под контрола. Успеавме да го спречиме огнот и не дозволивме да се прошири на други објекти. Наша екипа е се уште таму и ја следи состојбата, истакнаа од противпожарната единица.
Оттаму рекоа дека засега не се знае точната причина за пожарот. Дополнително ќе се утврдувале причините и висината на материјалната штета.