Поранешниот командант на копнените сили на Турција, генерал Хулуси Акар е именуван за нов началник на Генералштабот на турските вооружени сили, изјави Ибрахим Калан, портпарол на претседателот Реџеп Тајип Ердоган.
Акар ја презеде функцијата од досегашниот генерал Неџдет Јозел, кој замина во пензија. Одлуката за именувањето е донесена денеска на завршното тридневно годишно заседание на Високиот воен совет.
За командант на копнените сили е назначен Салих Зеки Чолак, поранешен командант на Првата армија. Командант на воено воздухопловните сили стана генералот Абидин Јунал, а жандармеријата ќе ја предводи генерал Гелип Менди, кој досега командуваше со Егејската армија.