Врховниот командант на НАТО во Европа американскиот генерал Филип Бридлав на 12 мај ќе ја посети Турција. Во округот Каршехир ќе посети центар каде ќе почне обуката и вооружувањето на умерената сириска опозиција, објавија турски медиуми.
Бридлав ќе учествува и на средба на министрите за надворешни работи на држави од НАТО во Анталија закажана на 13 и 14 мај.
Во програмата за обука се околу 300 сириски бунтовници кои се во првата група, подоцна ќе има и втора група од исто толку борци. Вкупно 2.000 сириски бунтовници ќе минат низ обука во Турција до 2016 година.