Дванаесет лица загинаа, а неколкумина се водат како исчезнати, во поплавите кои го зафатија пристанишниот град Варна во Бугарија, соопштија официјални лица.
Шефот на регионалната полиција, Николај Калчев изјави дека се пронајдени тела на 12 жртви, но не даде подетални информации за точниот број на исчезнатите, бидејќи поголем дел од овој град на крајбрежјето на Црно море е под вода, пренесе „Асошиејтед прес“.
Инаку поради обилните дождови со град кои зафатија поголем дел од Бугарија, стотици луѓе останаа без струја и можност за снабдување со основните животни намирници.
Е. Г.