Комесарот за проширување на ЕУ Штефан Филе, денеска ќе престојува во Албанија, што е негова прва посета, откако земјата доби кандидатски статус, на 24 јуни годинава, но и последна неговата посета на Албанија на таа функција.

За време на престојот, првата средба ќе ја има со претседателот на Парламентот, Илир Мета, веднаш потоа со лидерот на опозициските демократи и актуелен градоначалник на Тирана, Љуљзим Баша, со кого, во јуни, при престојот во Тирана, не се сретна, поради посетата на Баша на Германија.

Според агендата, која ја објавуваат албанските медиуми во 11 часот предвидена е средба со премиерот Еди Рама а половина час потоа започнува тркалезна маса за Дијалогот на високо ниво околу клучните приоритети започната во ноември, со цел интензивирање на ангажирањето на Албанија во спроведувањето на реформите со поддршка на Европската комисија.

Средбата се одржува пред финализирањето на годишниот извештај за напредокот на Албанија кој се очекува да биде објавен во првата половина на октомври.

По тркалезната маса, со која ќе раководат, Филе и Рама а на која ќе учествува и опозицијата, двајцата ќе одржат и прес конференција. Иако ова му е последна посета на Тирана, во агендата на еврокомесарот не е предидена средба со шефот на државата Бујар Нишани. Инаку, претте клучни приоритети за Албанија се човековите и малцински права, судството,корупцијата, организираниот криминал и реформата во јавната администрација.