Србија ги исполни условите за добивање датум за почеток на преговорите кога станува збор за нормализација на односите помеѓу Белград и Приштина, оцени денес во Белград пратеникот во Европскиот парламент и член на групата социјалдемократи Кнут Флекенштајн.
Флекенштајн истакна дека реформските напори кои што ги интезивираше новата влада на Србија може да дадат поддршка за отворање на преговорите за пристапување кон ЕУ.
-Во декември 2012 година Советот на ЕУ бараше Србија да оствари суштински напредок во преговорите со Приштина и по мене е јасно дека таа условот го исполни-изјави тој.
Европскиот пратеник наведе дека очекува Советот на ЕУ на 28-ми јуни да донесе одлука и да го отвори патот на Србија, кон ЕУ.
Елена Георгиевска