Еврокомесарката за внатрешни работи Илва Јохансон ги предупреди властите во Босна и Херцеговина дека Европската унија може да им ја скрати помошта во рамки на „миграцискиот менаџмент“, бидејќи не ги почитуваат правилата за давање помош на бегалците.
Во остро интонирано писмо до раководството на северозападната област Краина, каде се испраќаат сите бегалци кои влегуваат во БиХ, таа нагласува дека ЕУ ќе преиспита дали во иднина да и помогне на БиХ во врска со сместувањето на бегалците кои се на нејзина територија.
ЕУ досега и помогна на земјата со 60 милиони евра за да изгради шест центри за бегалци, во кои во моментов живеат околу 6.000 лица, додека се проценува дека околу 1.500 бегалци преживуваат во сурови, нехумани услови во градови во Босанска Краина.