Премиерот на Турција, Тајип Ердоган денес изјави дека членови на еден терористичка организација учествуваат во смртоносните антивладини протести кои што се шират во Турција.
Тој додаде дека се приведени седум странци кои се вмешани во немирите.
-Помеѓу демонстрантите има екстремисти, од кои некои се вмешани во тероризмот-изјави тој во Тунис, каде што е во посета на државите од северна Африка.
Ердоган истовремено ја отфрли можноста за откажување од контроверзниот план за преуредување на малиот парк во центарот на Истамбул и покрај масовните протести.
-Членовите на терористичката организација се присутни на плоштадот Таксим, епицентарот на протестот-нагласи тој.
Премиерот на Турција не прецизираше која националност се притворените странци, ниту каде се уапсени.
Елена Георгиевска