Турскиот претседател Реџеп Таип Ердоган има намера да разгледа со новоизбраниот американски претседател Доналд Трамп создавање во Сирија на зона ослободена од терористички органзиации.
– Ние треба да формираме во Сирија зона ослободена од терористи, безбедна зона, а исто и забранета за летови над неа. По 20 јануари во САД почнува со работа новото раководство. Ние тоа ќе го разгледаме со нив, изјави Ердоган.
Тој рече дека Турција од почетокот барала формирање во Сирија на зона ослободена од терористички органзиации каде би можеле да се вратат бегалците.
– Ако не успееме да создадеме зона на безбедност, тоа ќе биде закана за нашите региони кои граничат со Сирија, истакна Ердоган. Тој нагласи дека Турција „нема да дозволи формирање посебна држава во северниот дел од Сирија“.