Турскиот премиер Реџеп Таип Ердоган изјави дека Курдската работничка партија (ПКК) не ги исполнила ветувањата за повлекување на своите членови од турска територија.
Ердоган, истакна дека бројот на членови на ПКК кои се повлекле од Турција, е многу мал.
– Ветувањата за повлекување од турска територија не се испочитувани. Само околу 20 проценти – повеќето жени, деца и повозрасни бунтовници, ја напуштиле земјата, рече турскиот премиер.
Во Турција во тек е процес на преговори за мирно решавање на курдскиот конфликт со лидерот на ПКК Абдула Оџалан.
Курдските бунтовници почнаа да се повлекуваат од турска територија во мај во првата етапа на договорот меѓу лидерот на ПКК и Владата за крај на конфликтот.