Ердоган не сака да слушне за нов аранжман со ММФ: Имаме резерви од 95 милијарди долари

Од:

Турскиот претседател Реџеп Таип Ердоган денеска категорично ја отфрли можноста земјата да склучи нов аранжман со Меѓународниот монетарен фонд (ММФ), посочувајќи дека девизните резерви на Турската централна банка изнесуваат 95 милијарди долари и оти националната економија е „добро поставена за конкурентски натпревар на светската сцена“.

Изјавата на турскиот лидер доаѓа откако домашната валута, лирата, падна на историски најниско ниво во однос на доларот и на еврото, што го отвори прашањето за можен нов аранжман на земјата со ММФ, преку кој би се поддржала лирата и би се стабилизирала нејзината вредност.

Во целост отфрлајќи ја таа идеја, Ердоган потсети дека кога неговата партија АКП дошла на власт, долгот кон ММФ на земјата изнесувал 23,5 милијарди долари, Ердоган рече дека во мај 2013 година, долгот е вратен целосно.

„Кога стапивме на функција, Централната банка имаше 27,5 милијарди долари девизни резерви, сега имаме 95 милијарди долари девизни резерви, но ќе кажам уште една бројка. Кога бев премиер девизните резерви се искачија на 132 милијарди долари. Потоа имавме намалување. Што значи тоа? Тоа значи дека ние повторно ќе се искачиме на 132 милиони долари, ќе се искачиме и на 200. Затоа што ние си ја знаеме работата,“ рече турскиот претседател.

Би можело да ве интересира

Ердоган сака подобри односи со САД

Ана Ололовска

Наместо да ги спречува, Турција создава бегалски рути, обвини Кипар

Жарко Настоски

Путин и Ердоган се договорија: Турција ќе ја купи и ќе ја произведува руската вакцина

Жарко Настоски

Над пет милиони Турци досега ја примиле вакцината против коронавирусот

Жарко Настоски

Од март Турција почнува да се враќа во нормала, најави Ердоган

Жарко Настоски

Ердоган остро им се закани на Курдите: Ќе им ги скршиме главите на терористите во нивните пештери

Жарко Настоски