Турскиот претседател Реџеп Таип Ердоган изразил загриженост пред својот руски колега Владимир Путин од тоа што нападите во сирискиот град Алепо и неговата околина може да предизвикаат нов бегалски бран, пренесоа британските медиуми, повикувајќи се на извори од кабинетот на турскиот претседател.
Во телефонски разговор Ердоган го подвлекол значењето кое Турција и го дава на борбата против „сите терористички групи, вклучувајќи го и ДАЕШ (Исламска држава)“.
Турскиот претседател на Путин му ги потенцирал врските меѓу сириските курдски „Сили за заштита на народот“ и борците на Курдската работничка партија (ПКК), кои со децении водат борба против турската држава, посочија изворите.