Европскиот Парламент ја повика албанската Влада уште еднаш да ја разгледа одлуката за изградба на хидроцентрали на реката Вјоса и нејзините притоки, бидејќи таквиот проект ќе ја загрози една од последните „недопрени“ европски реки, по чие течение нема поголеми населби или индустрија.
Големо мнозинство од 751 члениот Парламент побараа од Албанија да се откаже од своите намери и поголеми проекти во полето на хидроенергетиката, особено од проектите во националните паркови, пренесува Танјуг.
Вјоса е последната „дива“ река во Европа и по своето течение со должина од 270 километри е речиси недопрена. Сепак, од осумте предвидени хидроцентрали на нејзиниот тек во Албанија, две веќе се во изградба.
– Заедно со нашите партнери во Албанија се обидуваме да ги запреме хидроенергетските проекти и да воспоставимепрв европски национален парк на дива река во долината на Вјоса. ЕП праќа силен сигнал до албанската влада да се откаже од таквите проекти, изјави Улрих Ајхелман, координатор на кампањата „Да го заштитиме синото срце на Европ“, предводена од австриската организација за заштита на реките „Ривервоч“ и германската еколошка организација „ЕуроНатур“.