Еден работник загина, а друг е потешко повреден денеска при експлозија во фабрика за азот во градот Гемлик во западната турска провинција Бурса.
Како што објави интернет изданието на весникот „Хуриет“, причините за експлозијата засега не се познати, а нема ни инфорации за загадување на животната средина.
Претставник на спасувачките екипи соопшти дека под урантините предизвикани од експлозијата, пронашле безживотно тело на еден работник, како и уште еден негов колега кој со сериозно повреди е пренесен в болница.
Во време на експлозијата во фабриката се наоѓале само двете жртви.