Две лица се убиени, а едно е рането во пукотница што се случи вечерва околу 19 часот во Босански Шамац, а полицијата трага по сторителот на ова кривично дело.
Ова го потврди и Полициската управа на Бијелина.
– Полициски службеници од Полициската управа на Бијелина интензивно бараат лице кое денес околу 19:10 часот на подрачјето на општина Шамац уби две и рани едно лице со истрели од огнено оружје – соопшти вечерва Полициската управа на Бијелина.
Во подрачјето на Шамац е испратена и жандармерска единица, се со цел да се пронајде лицето чиј идентитет е познат.
– Повреденото лице е пренесено во здравствена установа во Добој за медицинска помош – се вели во соопштението.
За сè е информиран дежурниот обвинител во Окружното јавно обвинителство на Добој, под чиј надзор полициските службеници преземаат сите мерки и дејствија во нивна надлежност.