Двајца турски војници се ранети денеска при напад извршен од припадници на бунтовничката Курдската работничка партија (ПКК) во источниот дел на Турција, соопштија турските безбедносни сили.
Вооружени сепаратисти ги нападнале војниците, кои обезбедувале изградба на нов воен објект во округот Тунџели. Војниците возвратиле на огнот.
Повредените турски војници биле пренесени во болница во соседниот округ Елјазиг.
Во последно време членовите на ПКК ја обновија својата терористичка активност и покрај продолжувањето мировниот процес за решавање на курдското прашање.