Три земјотреси ноќеска беа регистирани во Јонското Море, а беа почувствувани и на територијата на Македонија.
Првиот земјотрес бил 22 минути по полноќ со јачина од 5,1 степен, вториот, најсилен земјотрес удрил во 00:54, со интензитет од 6,6 степени.
Потресот бил почувствуван до Атина, а властите соопштија дека засега нема извештаи за повредени лица или причинети поголеми метријални штети.
Епицентарот на двата земјотреси бил на 46-47 километри југо-западно од Закинтос на длабочина од 10 километри.
Третиот земјотрес удрил во 1 часот и 9 минути со јачина од 5,4 степени.
Земјотресите биле силно почувствувани и во југо-западниот дел на Македонија, Малта, Италија, Албанија и Либија.
Грчката противпожарна служба соопшти дека досега не е пријавена штета, но оти во главниот град на островот Закинтос нема струја. Во друг дел на островот биле пријавени паднати карпи, а се урнал и дел од ѕид на црква во градот Пиргос, во јужниот дел на Пелопонез.
Со одлука на градоначалникот училиштата денеска се затворени.
Грчките острови Закинтос, Кефалонија и Итаки, во 1953 година беа погодени од неколку силни земјотреси, при што животот го загубија над 450 лица, илјадници беа повредени, а беше предизвикана огромна материјална штета.