Земјите од Западен Балкан се обврзаа денеска дека меѓусебно нема да се блокираат на европскиот пат, како и дека ќе вложат поголеми напори за напредок во внатрешните реформи.
Со декларацијата од Самитот за Западен Балкан во Виена земјите-учеснички се обврзаа дека меѓусебните несогласувања нема да ги злоупотребуваат една против друга во процесот на европските интеграции, како и дека ќе ја прифатат поддршката на Европската унија во решавањето на билатералните спорови.
Прифаќајќи се што досега земјите од регионот сториле во поправање на внатрешната ситуација, заклучено е дека е потребно повеќе напор за да се забрзаат домашните реформски процеси, пред се кога станува збор за владеењето на правото, управувањето со стопанството и реформите на јавната администрација, како и борбата против корупцијата и организираниот криминал.
Учесниците се договорија да ги продолжат состаноците во овој формат, со цел да се имплементира агендата договорена во Берлин минатата година и таа што е проширена во Виена, со цел да се забрзаат и разни проекти, кои се појавиле меѓу двата самита.
Сите земји од Западен Балкан цврсто веруваат дека нивната иднина лежи во ЕУ, а дека напредокот на секоја земја зависи од индивидуалните напори за исполнување на Копенхагенските критериуми и услови од процесот за стабилизација и асоцијација.
Во декларацијата се наведува дека се потребни конкретни чекори на политичките лидери на Западен Балкан кон трајно помирување во регионот, што е клучно за стабилноста и поддршката на создавање на Југоисточна Европа, способна да го надмине наследството од минатото.
Српскиот и косовскиот премиер ја потврдиле, како што се наведува во заклучоците од Самитит, одлучноста за интензивирање на процесот на нормализација.
Исто така потребно е да се зголемат напорите во изнаоѓање компромис меѓу Македонија и Грција, кога станува збор за спорот со името.
Земјите од Западен Балкан се согласиле дека радикализамот, тероризмот и насилниот екстремизам претежно на странските борци, кои се борат во Сирија и Ирак бара јакнење на соработката и поголема размена на информации.
Во врска со илегалната имиграција лидерите го потенцираа значењето на организирање конференција на високо ниво, посветена на предизвиците на западно-балканската рута.