Претседателот на СНСД, Милорад Додик, нагласи дека денес, кога Бања Лука го пречека унгарскиот министер за надворешни работи, Петер Сијарто, јасно се виде колку е вредно да се има пријател кој ја разбира борбата и патот на Република Српска.
– Унгарија не нè напушти дури ни кога предизвиците беа најголеми. Затоа денешниот ден е повеќе од протокол – тоа е потврда за вистинско партнерство, рече Додик на платформата X откако на унгарскиот министер за надворешни работи, Петер Сијарто, му беше доделен почесен докторат во Бања Лука.
Тој му изрази благодарност на Сијарто што покажа дека и Европа има поинакво лице кое ги почитува народите, традицијата и слободата.