Српскиот член и претседател на претседателството на БиХ Милорад Додик има пневмонија на двете белодробни крила, дознава АТВ.
Според последните информации од Универзитетскиот клинички центар во Бања Лука, каде е згрижен Додик, велат дека тој е во стабилна состојба и дека животот не му е загрозен.
Медиумите претходно објавија дека Додик доцна синоќа бил хоспитализиран во Универзитетскиот клинички центар на Република Српска поради мачнина и болки во желудникот.
Кабинетот на Додик ниту ја потврди, ниту ја демантира информацијата.
Додик од саботата беше во самоизолација поради контакт со лице заразено со коронавирус.