Сараево сака да им испрати порака на Србите дека секој виден Србин ќе биде кривично гонет пред Судот доколку се осмелат да направат нешто, изјави денеска во Приедор претседателот на Република Српска Милорад Додик.
„Судот и Обвинителството на БиХ се антисрпски институции. Ако успеат да ги скршат властите во Република Српска, тогаш кому ќе му биде дозволено да потпише“, рече Додик.
Додик истакна дека го криминализирале, измислувале скандали, дека немало ден или месец да не добил покана од судот и обвинителството во Сараево и дека му суделе затоа што ги почитувал законите на Народното собрание и Уставот на Република Српска.
„Република Српска се обидува да го задржи својот статус во согласност со правото од Дејтонскиот договор, тоа е кулминација на борбата токму во ова време. Нелегален странец за прв пат воведе во кривичното законодавство дека секој што не ги почитува одлуките на високиот претставник мора да биде казнет“, рече Додик.
