Дронот што во петокот беше соборен од турските воени авиони во турскиот воздушен простор во близина на Сирија бил од руско производство, но Москва и порача на Анкара дека авионот без човечки екипаж не и припаѓал на Русија, изјави денеска турскиот премиер Ахмет Давутоглу за телевизијата „Ал- Хабер“.
Во интервјуто што беше емитувано во живо, Давутоглу изјави дека дронот можно е да им припаѓал на силите на сирискиот претседател Башар ал-Асад, на курдската милиција PYD или на други сили.
Давутоглу додаде дека соборувањето на дронот има ефект на одвраќање и дека се надева дека Русија ќе покаже повнимателен став по претходните нарушувања на турскиот воздушен простор, пренесоа британските медиуми.