Претседателот на српската влада, Ивица Дачиќ во денешниот разговор со групата социјалисти и демократи во Европскиот парламент, оцени дека членството во ЕУ е приоритет.
Премиерот истакна дека европската интеграција на Србија е од голема важност за интеграција на целиот регион и додаде дека се надева дека ЕУ ќе ги цени напорите кои што Србија ги вложи и реформите кои што ги спроведува.
Членовите на делегацијата на социјалистите и демократите во Европскиот парлемент, која што ја предводи потпретседателот на групата Либор Роучек, истакнаа дека Србија станува столб на стабилност во регионот и заслужува што порано да добие датум за почеток на преговорите за членство во ЕУ.
На состанокот е оценето дека е направен историски чекор во решавање на проблемите на Косово и Метохија и дека имплементацијата на бриселскиот договор ќе обезбеди опстанок на Србите во јужната покраина и ќе допринесе за регионална стабилност.
Елена Георгиевска