Претседателот на техничката влада во Црна Гора, Дритан Абазовиќ, најави дека неговата земја за првпат во својата историја ќе лансира вселенска програма. „Сигурен сум дека оваа информација ќе предизвика потсмев, за некого можеби е предмет на мемиња, но работата е сериозна и со задоволство ви ја пренесувам“, рече Абазовиќ на владината седница.
Тој нагласи дека Министерството за наука ќе подготви одлука за отпочнување на програмата. Тој потврди дека веќе разговарале со организацијата на искусни иноватори и нагласи дека ќе ги поддржат сите вклучени во проектот.
Паралелно со лансирањето на вселенската програма, во тек е и развој на сателитот Луча, кој во иднина треба да биде лансиран во вселената. „Се надевам дека во догледна иднина, се надевам дека во 2023-2024 година, нашата Луча ќе биде во орбитата како сателитите на другите земји“, рече тој, пренесува Нова.рс.
Абазовиќ рече дека проектот ќе се финансира со парите добиени со издавање „економски државјанства“, кои се доделуваат на странски инвеститори кои инвестираат меѓу 250.000 и 450.000 евра во Црна Гора.
„Фондот за иновации ќе го поддржи ова. Не станува збор за големи средства, туку бара многу работа. Црна Гора ќе отвори друга перспектива, да учествува во активностите на другите земји и да се развива и на овој план“, заклучи Црногорецот. Премиер.