Турскиот министер за надворешни работи Мевљут Чавушоглу го обвини Берлин дека и дозволува на Курдската работничка партија (ПКК) и на левоекстремистичката Револуционерна партија и фронт за народно ослободување (ДХКП-С) неказниво да дејствуваат на германска територија.
– ДХКП-С и ПКК извршуваат терористички активности во Германија, но тие ги поддржуваат бидејќи се против Турција. Германија е земјата, која најмногу ги поддржува терористичките организации против Турција, изјави Чавушоглу на прес-конференција во Анкара.
– Германија смета дека е првокласна држава, првокласна демократија и дека Турција е од втора класа. Сакаме кон нас да се однесуваат како кон рамноправни партнери, додаде тој.