Бугарија: Пожар зафати 25 куќи, наредена е масовна евакуација

Од:

Денес во станбена зона во југоисточниот бугарски град Бургас избувна пожар, при што изгореа најмалку 25 куќи, а беше наредена масовна евакуација.

Пожарот избувна околу 11:30 часот по локално време во зоната „Остриците 2“ на копно со сува вегетација и брзо се прошири, објавува порталот „Новините“, додавајќи дека системот за предупредување, и покрај сериозноста на ситуацијата, не бил активиран.

Покрај противпожарните екипи, во гаснењето учествувале и волонтери, а на местото на настанот пристигнал и градоначалникот Димитар Николов, кој рекол дека пожарникарите работат на пресекување на пристапните патишта за да спречат ширење на пожарот кон источниот дел од станбената зона.

„За жал, околу 25 куќи веќе се уништени, од кои шест или седум биле целосно населени. Полицијата активно ги евакуира луѓето од нивните имоти. Фала му на Бога, нема жртви“, рече Николов.

Според него, периметарот на пожарот постојано се поместува поради силните ветрови, што ја прави ситуацијата покомплицирана за службите за итни случаи.

Во исто време, тој апелираше до сите жители да се држат подалеку од областа до понатамошно известување.

Според порталот, евакуацијата на жителите од населбата е сè уште во тек.

Би можело да ве интересира

Пожар во болница, загинаа најмалку шест пациенти

Горан Наумовски

(ВИДЕО) Златна треска во Бугарија: исчезна сеф со милиони и злато – приморски град под полициска опсада

Бугарија се справува со последиците од катастрофалните поплави, Радев се заблагодари за понудената помош од Македонија

Катерина Ѓуровски

(ВИДЕО) Украина и Русија со различни „приказни“ за пожарот во една од најголемите руски рафинерии, во Јарослав

Бугарите ќе играат финале на светско првенство

А1он

Алиу: За два дена над двесте прегледани лица во рамки на скринингот во Трубарево