Турскиот министер за енергетика изјави дека максимум 19 лица се уште се заробени во рудникот Сома по инцидентот во вторникот, а бројот на загинати рудари нема да надмине 302 лица, пренесува турската приватна телевизија НТВ.
– Претпоставуваме дека бројот на жртви нема да надмине 301 или 302 лица, изјави Танер Јилдиз.
Вкупно 19 семејства јавиле дека имаат свој близок во рудникот и според проценките на властите максимум 19 лица се се уште заробени.
– Соодветно на тоа, сметаме дека може да го утврдиме конечниот број на жртвите во несреќата во рудникот на 300 или 301 лице, изјави Јилдиз, повикувајќи се на информации од блиските и регистрите на компанијата.
Министерот изрази надеж дека намалувањето на нивото на штетни испарувања во рудникот ќе го олеснат евакуирањето на рударите.