Beautiful Women Pedia ја прогласи Босанката Соња Зекиќ за најубава природна жена на светот.
25-годишната Соња која е родена во Жепча, а во последните неколку години живее во Сараево се нашла во конкуренција со 25 девојки од целиот свет во категоријата за „Најубава девојка без фотошоп“, пренесе Аваз.
Таа има прекрасно лице и совршено тело со беспрекорни женски атрибути. Тоа е и причината да стане најубава природна жена за 2013. година. Соња е прекрасна, а убавина како нејзината е се потешко да се најде, бидејќи живееме во светот на измами, генетски модифицирана храна, фотошоп, пластични операции и слично – стои во појаснувањето на Beautiful Women Pedia, портал кој и Аида Џапо од Сараево во еден друг избор ја прогласи за најубава жена на светот.
Соња од својата 18-та година е манекенка. Во Сараево завршила економски факултет и работи во една осигурителна куќа. Досега се појавувала во неколку музички спотови, а меѓу последните е „Калдрма“ каде на сетот се нашла со популарниот Жељко Бебек.
– Мило ми е и уште помило ми беше кога видов дека во конкуренцијата се и девојки кои ги носат ревиите на „Victorias Secret“ – рекла Соња Зекиќ.