Борел во Њујорк организираше вечера за лидерите од Западен Балкан

Од:

Високиот претставник за надворешна политика и безбедност на ЕУ, Јозеп Борел организираше неформална вечера со лидерите на Западен Балкан на маргините на Генералното собрание на ОН, на која се разговарало за ситуацијата во регионот и односите ЕУ -Западен Балкан, како и за подготовките за самитот ЕУ -Западен Балкан на почетокот на октомври.

„Ова даде можност да се разговара за очекувањата во врска со пристапувањето во ЕУ. Високиот претставник ја истакна потребата од силна посветеност од двата партнери, и од Западен Балкан и од Европската унија, и нејзините земји-членки во надминување на сегашната динамика и придвижување на процесот напред“, соопшти денеска Канцеларијата за надворешни работи (ЕЕАС).

На синоќешната средба присуствуваа претседателите на Црна Гора, Мило Ѓукановиќ, на Северна Македонија, Стево Пендаровски, и на Косово, Вјоса Османи, претседателот на Претседателството на Босна и Херцеговина, Жељко Комшиќ, премиерот на Албанија, Еди Рама, и министерот за надворешни работи на Србија, Никола Селаковиќ.

Тоа беше втора средба со лидерите на Западен Балкан, организирана од високиот претставник, по неформалната вечера во Брисел во мај, се додава во соопштението.

Би можело да ве интересира

Борел ги повика Вучиќ и Курти во Брисел на нова рунда преговори

Дендијас: Грција е прва земја членка на ЕУ од ЈИЕ и се обврзува да го внесе Западен Балкан во Унијата

А1он

Ескобар: Американската политика кон Западен Балкан со еден збор е евроинтеграција

А1он

Стано: Реакцијата на Борел за Косово се однесува на поширокиот контекст, не на полициската операција

Катерина Павлова-Николовска

Борел замина во дводневна посета на САД

Ана Ололовска

Нова регионална мрежа за дигитално јавно здравство СЗО Европа – Западен Балкан

А1он