Осумнаесетгодишниот државјанин на Македонија Андреј Танасковски минатата недела во Будва се обиде да го убие Марко Љубиша, познат како Кан (56), соопшти црногорската полиција.
Тие истакнуваат дека нивните службеници, во соработка и координација со Вишото државно обвинителство во Подгорица, „по преземање на сеопфатни истражни и полициско-обвинителски мерки и дејствија, обезбедиле докази и го расветлиле кривичното дело обид за убиство извршено на 7 август 2025 година, во хотелскиот комплекс Маестрал во Будва“.
Според полициските податоци, Кан е висок член на криминална група од Будва, која е тесно поврзана со Шкаљарскиот криминален клан.
„Со преземање на бројни извидувачки, оперативни, тактички, технички, форензички и доказни мерки и дејствија во координација со Вишото државно обвинителство, полициските службеници брзо го идентификуваа сторителот на ова тешко кривично дело, имено А.Т. (18), државјанин на Македонија. А.Т., користејќи огнено оружје испукал два проектили во правец на М.Љ., кој се здобил со повреди на главата. По извршувањето на кривичното дело, А.Т. избегал во непознат правец“, соопшти Полициската управа.
Оттаму објаснуваат дека на Љубиша веднаш му е укажана медицинска помош и дека по укажаната медицинска помош, тој е пуштен на понатамошно домашно лекување.
„Постои основано сомнение дека директниот сторител на кривичното дело, А.Т., при планирањето и подготвителните дејствија, го искористил својот престој како гостин во хотел под фалсификувана документ – лична карта на име Ј.Г., како државјанин на Република Србија, како начин на дејствување за инфилтрирање во спроведувањето на криминални активности“, соопшти полицијата.
Тој користел лажен документ за идентификација што ги содржел податоците на српскиот државјанин Јован Г., роден во септември 2006 година.
Тие истакнуваат дека службеници на Регионалниот безбедносен центар Југ, поточно нивниот Оддел за безбедност Будва, по налог на надлежното Вишо државно обвинителство, поднеле кривична пријава против Танасковски, поради сомнение за сторени три кривични дела – обид за убиство, нелегално поседување и носење оружје и експлозиви и фалсификување исправа.