Претседателот на Кипар Никос Анастасијадис ги обвини за лицемерие европските партнери заради обвинувањата дека островот е „даночен рај“ и „центар за перење валкани пари“, објави грчкиот весник Етнос.
– Има многу извештаи од анализи на меѓународно признати инстанци кои може да потврдат дека „Кипар не е тоа за што ја обвинуваат државата“, вели тој.
Анастасијадис изрази увереност дека независната проверка која ќе биде по барање на ЕУ, ќе потврди дека државата се придржува до меѓународните стандарди.
Никос Анастасијадис повика проверката за перење пари на Кипар да се прошири и врз сите без исклучок, држави од ЕУ.