Албанскиот парламент денеска ќе гласа за новата влада на социјалистите на Еди Рама, мандатар кој ветува дека ќе ја забрза евроинтеграцијата на државата и ќе ја обнови економијата.
Рама (49) претставувајќи ја програмата на 20-члената влада, рече дека ќе се фокусира на демократските реформи, јакнење на владеењето на правото и борба против корупцијата.
Албанија е една од најсиромашните држави во Европа каде според официјални статистички податоци околу 14,3 отсто од вкупно 3,2 милиони жители живеат со помалку од 1,5 долари дневно. Стапката на невработеност е 14 отсто, а јавниот долг е 60 отсто од БДП.